اسهل طريقه لعمل السويت لازاله الشعر

اسهل طريقه لعمل السويت لازاله الشعر 

 

طريقه سهله لعمل السويت
وانا على طول بعملها والله وبتنجح معايا
اول حاجه هتجيبى فنجان صغير بتاع القهوه
بس طبعا يكون فاضي مش مليان وتمليه سكر وتحصيه ف المقلايه او ف الحاجه اللى هتعمليها فيه
وتجيبى نفس المقدار مياه اللى هو مقدار الفنجان وتحطيه ع السكر
يعنى فنجان سكر وفنجان مياة وبعدين تحطيهم ع الناااااااااار بس تكون هاديه
وتفضلى تقلبى لغايه لما السكر يدوب بعد ما السكر يدوب تعصري عليهم لمونه بس متكونش كبيره
يعنى متوسطه انتو طبعا عارفين ان الليمون المصري مش كبير حجمه متوسط طبعا هتشيلى منها البذر
وتعصريها ع الميه بالسكر
وتفضلى تقلبى هتلقيها بدات تغلى بردو تفضلى تقلبى لغايه لما تشوفى المعلقه بترسم رقم خمسه ف الطاسه او المقلايه
بعد كده ترفعيها من ع النار وتكونى منظفه الرخامه بتاعت المطبخ وتمونى مبللاها بشويه ميه خفاف عشان لما تحطى
السويت متلزقش ... بعد كده تكبى السويت ع الرخامه على شكل دايره وتسبيها تبرد شويه وبعدين تفضلى تلملميها
من ع الطروف لغايه لما تكوميها وتبقى زى الكوره ... وبعدين تبلى ايدك بنقطةميه نقطه هااا مش تغرقى ايدك وتمسكى
السويت وتفضلى تمطى فيها لغايه لما لونها يفتح وبعد كده تستخدميها
لو حسيتى انها جمدت شويه حطى عليها نقطه ميه وهى ف ايدك وافضلى مطى فيها